كتاب جلالة الملكة

عمرك شوفتى واحدة شخصيتها قوية وسألت نفسك الاسئلة دى

إزاى أبقى زيها قوية ومستقلة وواثقة فى نفسى كدة؟

إيه الطريقة اللى بتفكر بيها؟

إيه التجارب اللى مرت بيها علشان شخصيتها تبقى كدة؟

أنا كمان سألت نفسي نفس الأسئلة دى لما كنت صغيرة وقررت الاقى الاجابات بنفسى، وانتى كمان مش محتاجة حد يجاوب لك على الاسئلة دى لأنك هتلاقيها بنفسك لما تقرى الكتاب ده.

فى كتاب جلالة الملكة هتلاقى:

-أفكار تساعدك تبقى واحدة شخصيتها قوية ومستقلة بنفسك من غير مساعدة حد و تكتشفى الجانب القوي في شخصيتك.

-أسئلة واختبارات علشان تتفاعلى أكتر مع اللى بتقريه.

-كلمات وحكم ملهمة ومحفزة، وحاجات تانية.

وحتى لو شايفة نفسك انسانة عادية أو حتى أقل من العادى فالكتاب ده هيديلك الفرصة تعرفى وتتأكدى إنك قادرة تكونى جلالة الملكة.

دفتر السعادة

لو حاسة إنك مش سعيدة وانك فى عالم مليان زحمة ودوشة، عالم مليان غيوم من السلبية، مليان إحباطات وعقبات، وفاكرة ان المفر الوحيد من العالم ده هو الهروب، أنا حاسة بيكى ولأنى مقتنعة إن الهروب مش حل أبداً، فأفضل حل ممكن أنصحك بيه هو انك تاخدى استراحة قصيرة من وقت للتانى لإعادة شحن الطاقة والحيوية جواكى، ودى هتكون وظيفة الدفتر ده من الجلدة للجلدة.

صحيح مافيش كتاب أو كورس قادر يمنحك السعادة المنشودة لكن دفتر السعادة تم تصميمه بعناية علشان يقدملك البهجة والفرح والراحة النفسية والإبتسامات وقت ما تحتاجيهم.

ولأن برده السعادة مصدرها الحقيقى جوانا، كل اللى بنحتاجه بس هو إدراك المعنى ده والسعي لاكتشاف كل ما هو قادر على اسعادنا.

حضرى قلم وألوان لأن الدفتر ده مش للقراءة فقط وإبدأى رحلتك فى اكتشاف السعادة.